བཀའ་བརྒྱུད་པའི་དགོན་སྡེ་གསར་རྙིང་གི་བརྙན་པར་ཕྱོགས་བསྡུས།

འཚེ་མེད་ཞི་བདེ་ནས།

འདན་མ་བ་ནས།

བོད་ཁམས་ཕྱོགས་ཆབ་མདོའི་རྫ་རྒྱུད་རྡོ་ཕུའི་དབེན་གནས་སུ་ཡོད་པའི་འབྲུག་པ་བཀའ་བརྒྱུད་ཀྱི་དགོན་སྡེ་ཞིག་སྟེ། རབ་བྱུང་བཅུ་པའི་ཆུ་ཡོས་ཕྱི་ལོ་ ༡༦༠༣ ལོར་མདོ་ཁམས་པ་ཀརྨ་བསྟན་འཕེལ་མཆོག་གི་ཐུགས་སྲས་ཀྱི་གཙོ་བོ། མ་ཎི་བ་བློ་གྲོས་བཟང་པོ་མཆོག་གིས་ཐོག་མར་ཕྱག་བཏབ། ས་ཕག་ཕྱི་ལོ་ ༡༩༥༩ ལོར་བོད་དུ་དུས་འགྱུར་བྱུང་ནས་དགོན་པ་འདི་ཉིད་རྩ་འཐོར་དུ་སོང་། ཆུ་ཕག་ཕྱི་ལོ་ ༡༩༨༣ ལོར་སྤྲུལ་ཀརྨ་འཕྲིན་ལས་དང་སྤྲུལ་ངག་དབང་མཐར་ཕྱིན་རྣམ་གཉིས་ཀྱིས་ཐུགས་འགན་བཞེས་ཏེ་སླར་ཡང་དགོན་པ་འདི་ཉིད་རྟེན་དང་བརྟེན་པ་བཅས་པར་གསར་བཞེངས་གནང་ཞིང་ད་ཆར་དགོན་འདིའི་བསྟན་བདག་མཆོག་སྤྲུལ་བློ་གྲོས་བཟང་པོ་སྐུ་ཕྲེང་བརྒྱད་པ་རིན་པོ་ཆེ་མཆོག་གི་གཙོས། བླ་སྤྲུལ་མཁན་སློབ་དགེ་འདུན་འདུས་མང་བརྒྱད་བཅུ་ཡས་མས་ཙམ་གྱིས་སྟོན་པའི་བཅས་ཁྲིམས་དང་། དགེ་འདུན་པའི་ནང་ཁྲིམས་སོགས་ཀྱི་སྒྲིག་གཞི་ལྟར་དྭགས་བརྒྱུད་སྙིང་པོ་དོན་བརྒྱུད་དཔལ་ལྡན་འབྲུག་པ་བཀའ་བརྒྱུད་པའི་མཐོང་བ་བརྒྱུད་པའི་ཆོ་ག་ཕྱག་ལེན་ཁག་ལ་སྦྱང་བརྩོན་གནང་སྟེ། སྒྲུབ་མཆོད་ཁག་དང་། དུས་མཆོད་ཚེས་བཅུ་ཉེར་ལྔ་སོགས་འཚོགས་གནང་བཞིན་པ་མ་ཟད་སྔོན་འགྲོའི་ཆོས་སྐོར་དང་། རིག་གནས། དཔེ་ཆ་སོགས་ལ་ཐོས་བསམ་དང་། བླ་གྲྭ་བསླབ་པ་རྒན་གྲས་རྣམ་པ་སྒྲུབ་ཁང་ནང་དུ་བཞུགས་ནས་སྒྲུབ་པ་ཉམས་ལེན་གནངས་དང་གནང་མུས་བཅས་ཀྱིས་དོན་བརྒྱུད་དཔལ་ལྡན་འབྲུག་པའི་བསྟན་པ་བཤད་སྒྲུབ་འཁོར་ལོ་གསུམ་གྱིས་འཛིན་སྐྱོང་གནང་བཞིན་པ་ཡིན་ནོ། །

སློབ་དཔོན་པདྨས། མདོ་ཁམས་ཟུར་ཞེས་དཔལ་ཆེན་གསུང་གི་གནས། །དཔའ་བོ་མཁའ་འགྲོ་ འདུ་བའི་གྲོང་ཁྱེར་དུ། །ཞེས་དང་། ཆོས་རྗེ་ཀརྨ་པ་དེ་བཞིན་གཤེགས་པའི་ཞལ་ནས། བུ་ཁྱོད་འདི་ནས་མདོ་ཁམས་བར་སྒྲུབ་པ་ཕྱོགས་མེད་གྱིས་ཤིག །འགྲོ་དོན་འཕེལ་བར་འོང་གིས། ཁྱད་པར་དུ་ལུང་ཁོག་དམར་པོ་རྟ་རོ་ཁ་ཕྱེས་པ་ལྟ་བུ་རྟ་ཡི་སྒྲོག་སུམ་ལག་འཕང་པ་འདྲ་བ་ན་ བཅོམ་ལྡན་འདས་འཁོར་ལོ་བདེ་མཆོག་གསུང་གི་ཕོ་བྲང་ཡོད་ཀྱིས་དེར་དགོན་པ་ཐོབ། ཅེས་ཁོང་གི་ཐུགས་སྲས་སྒྲུབ་བརྒྱུད་ཀརྨ་ཀམ་ཚང་གི་ཡང་སྙིང་བདེ་མཆོག་མཁའ་འགྲོ་སྙན་བརྒྱུད་ཀྱི་བསྟན་པའི་བདག་པོ་ཡབ་མི་ཉག་རྨ་སེའི་རིགས་རྒྱ་གར་འབུམ་དང་ཡུམ་གླིང་བཟའ་བསོད་ནམས་སྒྲོན་གཉིས་ཀྱི་སྲས་སུ་རབ་བྱུང་དྲུག་པའི་མེ་སྟག་སྤྱི་ལོ་༡༣༨༦ལོར་སྐུ་འཁྲུངས་པའི་
གྲུབ་ཆེན་རྨ་སེ་བློ་གྲོས་རིན་ཆེན་དེ་ཉིད་ལ་ལུང་བསྟན་པ་བཞིན་དུ། སྤྱི་ལོ་༡༤༢༣ལོར་ཡོས་བཀྲ་ཤིས་ཟུར་མང་སྣར་དགོན་པ་ཕྱག་བཏབ་པས་དཔལ་ལྡན་ཟུར་མང་བཀའ་བརྒྱུད་ཀྱི་གདན་སར་གྱུར། དེ་ནས་རིམ་བཞིན་ཁོང་གི་གདུང་བརྒྱུད་དང་སློབ་བརྒྱུད་རིམ་པས། ཟུར་མང་ལུགས་ཀྱི་བཀའ་སྲོལ་འཛིན་སྐྱོང་གནང་སྟེ། ད་ལྟའི་བར་མི་ནུབ་དར་རྒྱས་སུ་གྱུར་པ་ འདི་ཀ་ལགས་སོ།།

རྩ་བའི་གདན་ས་ཟུར་མང་རྣམ་རྒྱལ་རྩེ་དགོན།
བཏབ་ཡུལ། ནང་ཆེན་རྫོང་མོ་གྲོང་ཡུལ་ཤོག
འདེབས་མཁན། གྲུབ་ཆེན་རྨ་སེ་བློ་གྲོས་རིན་ཆེན།
བཏབ་ལོ། ༡༤༢༣

ལྷ་རྩེའི་དུང་ཟླ་ནས།