ཁྲོ་ཆུ་ཤུ་བྷཾ་འབྲུག་དགུ་གླིང་ནི་ཆོས་བརྒྱུད་ཀརྨ་ཀཾ་ཚང་། སི་ཏུ་པཎ་ཆེན་གཙུག་ལག་ཆོས་ཀྱི་སྣང་བས་ཕྱག་བཏབ་མཛད། ཕྱག་འདེབས་དུས་ཀྱི་ལོ་ཚིགས་གསལ་ཁ་ཆེར་མ་མཐོང་ཡང་ཆུ་ཕག་༡༧༤༣ལོར་ཀརྨ་སི་ཏུ་རྒྱལ་རོང་དུ་ཕེབས་སྐབས་ཀར་དགོན་འདེབས་པའི་ཞལ་བཞེས་མཛད་ཅེས་གསུངས། སྤྱིར་ཀརྨ་སི་ཏུ་བསྟན་པའི་ཉིན་བྱེད་ཀྱིས་ཀར་དགོན་བརྒྱ་དང་རྩ་བརྒྱད། སྒྲུབ་གནས་སྟོང་དང་རྩ་གཉིས་བཏབ་པའི་ཆེས་མཐའ་མ་ཡིན་ལ་ཐོག་མཐའ་བར་གསུམ་དུ་བཀྲ་ཤིས་ཤིང་དགེ་བར་གྱུར་པས་ཤུ་བྷཾ་དགོན་ཞེས་པའི་མཚོན་གསོལ། ས་གནས་སི་ཁྲོན་ཞིང་ཆེན་རྔ་བ་ཁུལ་ཁྲོ་ཆུ་རྫོང་མུའུ་སོལ་ཡུལ་ཚོའི་ཁོངས་སུ་ཆགས་ཡོད་ཅིང་གནའ་ནས་ད་བར་དུ་དགོན་པའི་ལྷག་བསམ་ཅན་གྱི་བླ་གྲྭ་ཡོངས་ནས་བཤད་སྒྲུབ་ལས་གསུམ་གྱི་ཕྱག་ལས་གནང་དང་གནང་བཞིན་པ་ལགས་སོ།།
དྷཱིཿཔདྨ་བཛྲ་ནས།